Mª del Mar Fernández Vázquez

Breve CV

Profesora Contratada Interina na Universidade de Vigo. Doutora en Estudos da Literatura e da Cultura, Licenciada en Filoloxía Hispánica e en Filoloxía Románica e Diplomada en Estudos Avanzados pola Universidade de Santiago de Compostela. Imparte docencia nos graos de Educación Primaria e de Educación Infantil. Colaboradora en proxectos do Centro Ramón Piñeiro para a Investigación en Humanidades, do ICE da USC e do grupo de investigación LITER21 da USC. Os seus ámbitos de investigación son a Literatura Infantil e Xuvenil galega e castelá, a Literatura de adultos galega e castelá e as colaboracións en prensa de autores clásicos contemporáneos. As súas liñas de investigación atenden os autores clásicos contemporáneos (Valle Inclán, Cela e Carlos Casares), autoras e autores galardoados con premios destacados, e novas voces literarias. Estas figuras son estudadas desde a teoría literaria, o comparatismo, a crítica literaria, a historiografía literaria, a educación literaria e artística, as lecturas visuais e textuais, os paratextos e a recepción.