Lucía Casal de la Fuente

Breve CV

Cantante e licenciada en Psicopedagoxía, con másteres en terapia e en procesos de formación. No período 2014-2021 traballou na USC como docente do Departamento de Pedagoxía e Didáctica (7 anos) e de técnica tanto de proxectos internacionais (10 meses) como de formación e innovación docente (9 meses). Dende o ano 2021 é docente e investigadora na Área de Didáctica da Expresión Musical da UVIGO. Con formación e experiencia en didáctica e en técnica vocal, ten exercido de profesora en escolas de música, e fixo estadías de investigación e docencia en Italia, República Checa, Arxentina, Inglaterra, Brasil e Portugal, nas que combinou o estudo da educación vocal, a cantoterapia, o canto e a educación musical, a educación infantil, a innovación e a equidade. A súa tese de doutoramento “Boas prácticas psicopedagóxicas para a educación vocal e do canto na infancia: estudo de casos en dous programas de referencia internacional” foi dirixida por Miguel Ángel Zabalza e Carol Gillanders. É coordinadora do proxecto psicopedagóxico de educación vocal e canto VOCES LEDAS, e participa en congresos e seminarios educativos, sendo tamén autora de diversas publicacións e colaboradora de grupos de investigación nacionais e internacionais.